Pakistanın və Hindistanın neft şirkətləri Trans-Anadolu qaz kəməri (TANAP), “Şahdəniz-2” və Şimali İraq layihələrinə strateji imzalar atan Türkiyə ilə əməkdaşlıq etməkdə maraqlıdır.
Simsar.az-ın məlumatına görə, dünyanın ən böyük iqtisadiyyatlarından birinə malik olan Hindistan və Pakistan Türkiyəyə neft və təbii qaz sərmayələri yatırmaq və birgə axtarış fəaliyyətləri həyata keçirmək niyyətindədir. Türkiyə Petrolleri Anonim Ortaqlığı (TPAO) şirkətinin məlumata görə, bu ölkələr yeni investisiyalar yatırmaq üçün böyük əhəmiyyət daşıyırlar.
O da qeyd edilir ki, keçən həftə Moskvada keçirilən XXI Dünya Neft Konqresində Hindistan Milli Neft Şirkəti (“ONGC Videsh Ltd”) ilə TPAO şirkəti arasında anlaşma memorandumu imzalanıb. Memorandumda hər iki şirkətin birgə axtarış və istehsal fəaliyyətlərinin inkişaf etdirilməsi və geniş əhatəli əməkdaşlığı nəzərdə tutulub. Sənəddə, həmçinin hər iki ölkənin mənfəətlərinin təməlində karbohidrogen sahəsində əməkdaşlığın inkişaf etdirilməsi, informasiya, texnologiya və təcrübə mübadiləsi ilə qarşılıqlı investisiya imkanlarının artırılması əks olunub.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
