Tehranın Qəsr muzeyində keçirilən beynəlxalq “Art Collect” sərgisində ölkəmizi “Arts Council Azerbaijan” (“Azərbaycan İncəsənət Konsulluğu”) qeyri-hökumət təşkilatı təmsil edib.
Simsar.az xəbər verir ki, beynəlxalq sərgidə “Arts Council Azerbaijan”ın kolleksiyasından Aydın Əsgərin və Edita Suxoçkitenin əsərləri nümayiş olunub.
Dünyanın çoxsaylı ölkələrindən muzey və qalereyaların iştirak etdikləri bu sərgidə təqdim olunan kolleksiyalar sırasında Pablo Pikasso, Salvador Dali, Joan Miro kimi görkəmli sənətkarların işləri də yer alıb.
“Daha yaxşı bir dünya üçün, sülh üçün incəsənət” şüarı ilə keçirilən beynəlxalq sərgidə muzeylərdən, qalereyalardan əlavə kolleksiyaçılar da iştirak ediblər.
Tədbir müasir incəsənətə, onun sintezinə, müxtəlif ölkələrdə incəsənətin dünyagörüşünə və mədəniyyətə təsirinə həsr olunub.
Günel