Ədalət və İnkişaf Partiyasının qarşıdan gələn prezident seçkilərində namizədi Rəcəb Tayyib Ərdoğan oldu.
Simsar.az xəbər verir ki, bunu Partiyanın aparıcı simalarından Mehmət Əli Şahin rəsmən açıqlayıb. Şahin bildirib ki, son günlər namizədliklə bağlı müəyyən müzakirələrə, söz-söhbətlərə yol açan xəbərlər dolaşırdı. Qərara alındı ki, bütün bu fikirlərə son qoyulsun:
“Rəsmən bildirirəm ki, namizədimiz hörmətli Baş nazirimiz Rəcəb Tayyib Ərdoğandır. Düşünürük ki, prezident seçkilərində qələbə qazanan Ərdoğan partiyası 2015-ci ilin parlament seçkilərinə də qatılacaq. Nəticədə ölkə Konstitusiyasında dəyişiklik edilərək, prezidentin səlahiyyətləri bir qədər də artırılacaq. Beləliklə, hörmətli Ərdoğan 2023-cü ilə qədər canı qədər sevdiyi xalqına xidmət edəcək”.
Vüsal Qarayev