Qaçırılan 3 israilli gəncin meyitinin tapılması ilə bərabər İsrail hadisədə HƏMAS-ı təqsirləndirdi və hökumət nümayəndələri intiqam alacaqlarına and içdilər. ABŞ prezidenti Obama da İsrailin yanında olduğunu bildirdi.
Simsar.az az öncə bu hadisələlə bağlı verdiyi xəbərdə dünyanın həyəcan içində olduğunu bildirmişdi. Məlum oldu ki, bu həyəcan yersiz deyilmiş. Artıq İsrail ordusu hərəkətə keçib. Gecə İsrail ordusu Qəzzada 34 hədəfi havadan vurub. İsrailli gənclərin qaçrılmasında şübhəli bilinən şəxslərin evləri darmadağın edilib.
HƏMAS hadisə ilə bağlı açıqlama verib. Gənclərin öldürülməsi ilə bağlı onlara qarşı yürüdülən iddiaları rədd edib və bildirib ki, İsrail provikasiya ilə məşğuldur: “Əgər İsrail müharibə istəyirsə buyursun, cəhənnəmin qapıları açıqdır”.
Vüsal Qarayev