Dünya Çempionatında rəqibini dişlədiyi üçün FİFA tərəfindən 4 ay futboldan kənarlaşdırılma cəzası alan Liverpolun uruqvaylı ulduzu Luis Suaresə hələ də FİFA-nın üzvü olmayan Kosova klubu Hajvaliadan təklif gəlib.
Simsar.az xarici mətbuata istinadən xəbər verir ki, dünyada FİFA-ya üzv olan heç bir ölkədə 4 ay boyunca futbol oynaya bilməyən Suaresə onların ölkəsində futbola davam etməyi təklif edən Kosova Kubok Çempionu Hajvalianın direktoru Xavit Pokol açıqlamasında: “Suares FİFA-nın verdiyi cəza səbəbindən 4 ay futbol oynamayacaq. Biz Kosova olaraq hələ FİFA-ya üzv olmamışıq. Suares 4 ay futboldan uzaq qalmaq istəmisə bizim ölkəmizdə, bizim komandamızda oynaya bilər. Mövzu ilə bağlı təklifimizi bu yaxınlarda Liverpola yollayacağıq. Suaresə 30 min avro və aylıq 500 avro maaş təklif edəcəyik. Bəli bu onun üçün gülünc bir rəqəmdir, amma ən azından 4 ay futboldan kənar qalmayacaq. Təklifimizi qəbul edərsə bu Kosova futbolu üçün böyük bir addım olar. Suaresi burda 4 ay qonaq etmək bizim üçün çox xo olar” deyib.
Günel