Qəzzada 3 Yəhudi gəncin meyitinin tapıldığı bildirilib. Simsar.az xəbər verir ki, İsrail ordusunun verdiyi açıqlamada 12 iyunda itən 3 nəfərin meyiti Əl-Halil şəhəri yaxınlığında tapılıb. Nazirlik təmsilçisi Ofir Gendelman meyitlərin tapıldığını təsdiqləyib. Baş verənlərdən sonra Baş nazir Benyamin Netanyahu təcili iclas çağırıb.
Məlumat üçün bildirək ki, İsrail hökuməti 12 İyunda 3 yəhudi gəncin itdiyini açıqlayıb və bu hadisədə Fələstin hökumətini günahlandırmışdı. İsrail parlamenti isə itənlərin tapılması üçün orduya əməliyyat keçirmək tapşırığı vermişdi. 17 gün sürən əməliyyatlar çərçivəsində keçmiş nazir, millət vəkili də daxil olmaqla 589 fələstinli həbs edilmişdi.
“HƏMAS günahkardır və cəzasını da ödəyəcək”
Benyamin Netanyahu meyitlərin tapılmasının ardından təhlükəsizlik kabinetini təcili toplantıya çağırıb və toplantıda bu hadisəni törədənlərin mütləq cəzalandırılacağını deyib: “Onlar qaçırıldılar və soyuqqanlı heyvanlar tərəfindən vəhşicəsinə öldürüldülər. Bundan HƏMAS günahkardır və mütləq cızasını ödəyəcək”
Prezident Şimon Peres isə hadisəylə bağlı İsrail xalqının yasa batdığın bildirib və o da HƏMAS-ı günahlandırıb.
Obama başsağlığı verdi
ABŞ prezidenti Barak Obama da 3 yəhudinin ölümü ilə bağlı ölənlərin ailələrinə başsağlığı verib. Obama yazılı açıqlamasında terroru pislədiklərini dilə gətirib: “Bu faciəylə, terrorla mübarizə aparan İsrail ABŞ-ın tam dəstək və dostluğuna sahibdir”.
Vüsal Qarayev
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
