Xaçmaz Gömrük İdarəsinin əməkdaşları valyuta qaçaqmalçılığının qarşısını alıblar.
Simsar.az-ın məlumatına görə, Rusiya Federasiyası vətəndaşı Zaur Raqimov “Samur” gömrük postunun giriş qapısına yaxınlaşaraq əlindəki bağlamanı sərhədin Azərbaycana məxsus tərəfində dayanmış bir nəfərə verib. Bağlamanı alan şəxs saxlanılaraq postun gömrük zonasına dəvət edilib və hadisə ilə bağlı sorğu-sual olunub. Həmin şəxs isə ona ötürülən bağlamada xarici valyuta olduğunu bildirib.
Bağlamaya şahidlərin iştirakı ilə baxış keçirilib və orada 69 ədəd 500-lük avro olduğu müəyyən edilib.
Dövlət Gömrük Komitəsinin İstintaq İdarəsi faktı araşdırır.
Vüsal Qarayev