Qazax Dövlət Dram Teatrında Əli Əmirlinin “Kişi və qadın” komediyasına ictimai baxış olub. Simsar.az xəbər verir ki, rayon ziyalılarının iştirakı ilə baş tutan sınaq tamaşası böyük hərarətlə qarşılanıb. Tamaşanın müzakirəsində dramaturji material, peşəkar rejissor işi və istedadlı aktyor oyunu yüksək qiymətləndirilib.
Bütün zamanlar üçün aktual olan kişi və qadın münasibətləri, məhəbbət, sədaqət, etibar, habelə xəyanətdən bəhs edən və ayrı-ayrı teatrlarda dəfələrlə tamaşaya qoyulmuş bu əsərə Qazax teatrında Xalq Artisti Zülfüqar Abbasov çox maraqlı və orijinal quruluş verib. Tamaşanın rəssamı Səyyad Məmmədovdur. Rolları teatrın direktoru Saqif İskəndərov, Zəmanə Orucova, Xanım Məmmədova, Hacı Hacıyev və Nazilə Məmmədova məharətlə ifa ediblər.
Məlumat üçün bildirək ki, tanınmış dramaturqun bu əsəri ilk dəfə dünyasını vaxtsız dəyişmiş görkəmli rejissorumuz Hüseynağa Atakişiyev tərəfindən Dövlət Gənclər Teatrında tamaşaya qoyulub. Sonralar Gəncə, Qusar, Mingəçevir teatrları da bu əsərə müraciət ediblər.
Günel
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
