Şamaxı rayonunda 13 gün əvvəl itkin düşmüş şəxsin meyiti tapılıb.
Simsar.az-ın məlumatına görə, iyunun 16-da Muğanlı kənd sakini, 74 yaşlı Mustafayev Şahmurad Abdul oğlunun itkin düşməsi barədə Şamaxı Rayon Polis şöbəsinə müraciət daxil olub.
Ş.Mustafayev həmin gün evdən çıxıb və bir daha geri qayıtmayıb. Dünən Ş. Mustafayevin vəhşi heyvanlar tərəfindən parçalanmış meyiti kənd yaxınlığındakı Söyüdlü adlanan taxıl sahəsində aşkarlanıb və dərhal da polisə xəbər verilib. Onun ölümündən əvvəl, yaxud sonra vəhşi heyvanların hücumuna məruz qalması məlum deyil.
Faktla bağlı araşdırma aparılır.