Sabahdan Bakı Biznes Mərkəzində Azərbaycanda İxracın və İnvestisiyaların Təşviqi Fondunun (AZPROMO) və Almaniya Beynəlxalq Əməkdaşlıq Cəmiyyətinin təşəbbüsü ilə “Qida sənayesində brendinq anlayışı, brendin yaradılması və marketinq strategiyası” üzrə təlim keçiriləcək.
Simsar.az-a AZPROMO-dan verilən məlumata görə, tədbirdə brendin yaradılması və bazara çıxarılması, marketinq strategiyası, biznesin quruluşu və şirkətlərin məqsədləri mövzularında məruzələr ediləcək. Praktiki məşğələlərin də daxil edildiyi təlimi Xəzər Universitetinin professoru, iqtisad elmləri doktoru Fuad Rəsulov aparacaq.
Qeyd edək ki, təlimin sonunda iştirakçılara sertifikatlar təqdim olunacaq.
Vüsal Qarayev