“Allahdan başqasına ibadət edildiyi üçün Kəbəni yıxacağıq”.
İraq və Şam İslam Dövləti(İŞİD) terror təşkilatı daha bir bəyannamə yayıb. Simsar.az Türkiyə mətbuatına istinadən məlumat verir ki, təşkilat bu dəfə Kəbəni yerlə-yeksan edəcəklərini açıqlayıb. Belə ki, onlar əl-Anbar şəhərinin çöllərindən keçərək Səudiyyə Ərəbistanının Ərur şəhərini nəzarətə almağı planlaşdırır.
Qrup üzvlərindən biri “ Allahın iznilə Şeyximiz Əl Bağdadinin rəhbərliyi altında Məkkədə daşlara ibadət edənləri( hacıları) öldürəcək və Allahın yerinə ibadət edilən Kəbəni yıxacağıq”, deyə hədələr yağdırıb.
Əbu Turab əl-Müqəddəsi adlı qrup üzvü şəxsi “Twitter”hesabında bir məkanın Allah xatirinə ibadət yeri seçilməyəcəyini bildirərək, “İnsanlar daşlara toxunmaq üçün Məkkəyə gedirlər. Allah üçün deyil. Allaha and olsun Səudiyyə Ərəbistanını fəh etsək, Allahdan başqasına ibadət edildiği üçün Kəbəni yerlə yeksan edəcəyik”, fikirlərini paylaşıb.
Ülviyyə Cövdətqızı