İrlandiyanın “Ryanair” aviaşirkətinin iki sərnişin təyyarəsi Londonun Stansted aeroportunda toqquşub.
Simsar.az-ın məlumatına görə, hadisə nəticəsində laynerlər və onların ekipaj üzvlərindən, həmçinin sərnişinlərdən zərər çəkən olmayıb.
“Ryanair” aviaşirkətinin nümayəndəsi Robin Killi bildirib ki, hadisə uçuş zolağında baş verib, bir təyyarə dayanacağa yaxınlaşan zaman başqası arxaya gedişlə yola çıxan zaman onunla toqquşub. Nəticədə, bir təyyarə başqa avialaynerin quyruq hissəsinə qanadla toxunub.
Aviaşirkətin nümayəndəsi həmçinin bildirib ki, üç saatlıq gözləmədən sonra qəzaya düşmüş hava gəmilərinin sərnişinləri başqa təyyarələrlə yolunu davam etdirib.
Aeroportun mətbuat katibi Kris Uiqqanın sözlərinə görə, təyyarələrin hər ikisi zədələnib, amma qəza aeroportun işinə təsir etməyib.
Laynerlərin pilotları həkim müayinəsindən keçirilib. Onların qanında alkoqol izləri aşkar edilməyib. İstintaq komitəsi hadisənin araşdırılması ilə məşğul olur.
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
