Yol Polisi sürücülərə müraciət etdi
Bakı şəhər Dövlət Yol Polisi İdarəsi Novruz Bayramı ilə əlaqədar sürücülərə müraciət ünvanlayıb. İdarənin hərəkət təhlükəsizliyinin təbliği və ictimai qurumlarla əlaqə şöbəsinin rəisi, polis polkovnik-leytenantı Vaqif Əsədovun Lent.az-a verdiyi məlumata görə, martın 19-20-də paytaxtın bəzi mərkəzi yollarında məhdudiyyətlər olacaq.
Avtomobil sahiblərinin və sürücülərin nəzərinə çatdırılır ki, 19-20 mart günləri tədbirlərin keçirildiyi ərazilərə bütün avtomobillərin hərəkəti tam məhdudlaşdırılacaq. Niyazi, İstiqlaliyyət küçələri, Qoşa Qala qapısı, Əziz Əliyev küçəsi, Dənizkənarı Bulvar boyunca Neftçilər prospekti, Azneft dairəsi və əks istiqamətlə Azadlıq meydanı, Üzeyir Hacıbəyov küçəsi, Zərifə Əliyeva prospekti, Rəsul Rza küçəsində avtomobillərin park edilməsinə icazə verilməyəcək, bu istiqamətlə kəsişən digər küçə və prospektlərdən bütün avtomobillərin hərəkət istiqaməti dəyişdiriləcək: “Bayram tədbirlərinin keçirildiyi vaxtlar qeyd olunan küçələrdə avtomobillər üçün dayanacaq yerinin təyin edilməsinin mümkünsüzlüyünü bir daha nəzərinizə çatdıraraq, şəxsi avtomobillərlə şənliyə qatılmaq istəyənlərdən bu istiqamətlərdə ictimai nəqliyyat vasitələrindən istifadə etmələrini xahiş olunur”.
Ümumiyyətlə, Neftçilər prospekti ilə şəxsi avtomobillərini idarə edən sürücülərə şənlik iştirakçılarının hərəkətinin rahat, təhlükəsiz və fasiləsiz hərəkətinin təşkil edilməsi, yol-nəqliyyat hadisələrinin, nəqliyyat sıxlığının, tıxacların yaranmaması üçün nativ yollardan istifadə edilməsi tövsiyə olunur və xahiş edilir ki, Dənizkənarı Bulvar istiqamətinə şəxsi avtomobillərdən mümkün qədər az istifadə edilsin.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
