Ukraynalı həmkarı Səfər Əbiyevlə görüşüb
Azərbaycanda rəsmi səfərdə olan Ukraynanın müdafiə naziri Mixail Yejelinin martın 16-da Azərbaycanın müdafiə naziri general-polkovnik Səfər Əbiyevlə görüşü olub.
Ukraynalı qonağın Müdafiə Nazirliyində təntənəli qarşılanma mərasimi keçirilib, hər iki ölkənin dövlət himnləri səslənib.
Müdafiə Nazirliyinin mətbuat xidmətindən Lent.az-a verilən məlumata görə, geniştərkibli görüş zamanı Azərbaycanın müdafiə naziri S.Əbiyev ukraynalı həmkarı başda olmaqla bütün nümayəndə heyətini salamlayaraq qeyd edib ki, iki ölkə arasında bütün səviyyələrdə strateji xarakter daşıyan əlaqələr mövcuddur. S. Əbiyev bildirib ki, bu əməkdaşlığı daha yüksək səviyyəyə qaldırmaq və inkişaf etdirmək qarşıda duran əsas məqsədlərdən biridir.
Hər iki nazir söhbət zamanı hərbi-texniki əməkdaşlıq məsələlərinə də toxunub. Regionda mövcud hərbi-siyasi durum da diqqət mərkəzində olub.
Nazir Səfər Əbiyev vurğulayıb ki, Ermənistanın təcavüzü nəticəsində Azərbaycanın 20 faiz torpaqları işğal edilib, bir milyon soydaşımız öz yurd-yuvasından didərgin düşüb. Nazirin fikrincə, münaqişənin həlli ilə əlaqədar ATƏT-in Minsk Qrupunun fəaliyyəti hələlik öz konkret nəticəsini vermir. İndiyə qədər Ermənistanın işğalçılıq siyasətindən geri çəkilməsi üçün nüfuzlu beynəlxalq qurumların qətnamələri də yerinə yetirilməmiş qalıb. Nazirin sözlərinə görə, belə bir vəziyyətdə işğal olunmuş torpaqları azad etmək üçün Azərbaycanın ciddi və zəruri tədbirlər görməkdən başqa yolu qalmır: «Biz bu istiqamətdə fəaliyyətimizi genişləndiririk».
Görüş zamanı nazirlər arasında digər məsələlər barədə də ətraflı fikir mübadiləsi aparılıb.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
