Baş nazirin müavini Abid Şərifov Bakının “Sovetski” məhəlləsində sahəsi kiçik olan evlərlə bağlı məsələyə aydınlıq gətirib.
A.Şərifov açıqlamasında bildirib ki, bu məsələ hökumətin gündəmindədir: “Sadəcə, “Sovetski” məhəlləsində inventarlaşma prosesinin başa çatması gözlənilir”.
Qeyd edək ki, martın 3-də “Sovetski” məhəlləsinin köçürülməsi ilə bağlı yaradılmış Köçürmə Komissiyası və “Sovetski” məhəlləsinin sakinlərinin yaratdığı 7 nəfərlik Təşkilat Komitəsinin üzvlərinin görüşündə A.Şərifov deyib ki, köçürmə ilə bağlı hökumətin 1 kv. m üçün 1500 manat təklifi qüvvədə qalacaq. O, mənzilinin sahəsi az olan, veriləcək pula yeni mənzil alması mümkün olmayan sakinlərlə bağlı da düşündüklərini və hökumətin bu məsələni nəzərə alacağını bəyan edib.
A.Şərifov açıqlamasında “Sovetski” məhəlləsində inventarlaşma prosesinin bir aya-ayyarıma başa çatacağını gözlədiklərini söyləyib: “Bakının “Sovetski” məhəlləsində sahəsi kiçik olan evlərlə bağlı məsələ təxirə düşməyib. İnventarlaşma prosesi başa çatandan sonra Maliyyə Nazirliyi, Bakı Şəhər İcra Hakimiyyəti, Yasamal Rayon İcra Hakimiyyəti ilə bir araya gəlib, sahəsi kiçik olan evlərlə bağlı təklif hazırlayacağıq”(APA).
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
