Z.Bünyadov adına Şərqşünaslıq İnstitutunda elmi işçilərin tutduqları vəzifələrə uyğunluğunu araşdırmaq və onların peşəkar fəaliyyətini qiymətləndirmək məqsədi ilə yaradılmış Attestasiya Komissiyası öz işinə yekun vurub.AMEA Şərqşünasliq institutundan Simsar.az-a verilən məlumata görə, institutda fəaliyyət göstərən 11 şöbənin əməkdaşlarının attestasiyasına 2014-cü il fevral ayının 12-də başlanıb və aprelin 23-də yekunlaşıb.
Şərqşünaslıq İnstitutunda yaradılmış Attestasiya Komissiyası İnstitutda bir ildən çox çalışan 101 əməkdaşın son 5 ildə fəaliyyətini nəzərdən keçirərək dəyərləndirib, fərdi qabiliyyətləri və üstünlüklərini, tutduqları vəzifəyə uyğun gəlib-gəlmədiklərini müəyyənləşdirib.
Hər bir elmi işçinin gələcək fəaliyyətinə dair əsaslandırılmış qeydlər və tövsiyələr verilib. Komissiya öz işinin yekununda attestasiyanın nəticəsi üzrə qərar qəbul edib.
Aysel Kərimova