Daha bir məşhur rusiyalı sənətçi Azərbaycana üz tutub. Simsar.az xəbər verir ki, qonaqpərvər Bakı yaz fəslinə girdiyi gündən etibarən demək olar ki, hər həftə bir xarici sənətçiyə qapılarını açır. Ötən gün cazibədar müğənni Sati Kazanova paytaxta gəlib. Qızlardan ibarət "Fabrika" qrupunun keçmiş üzvü olan ifaçının səfər məqsədi klip çəkilişləridir.
Digər sənətçilər kimi Sat da ilk olaraq İçəri Şəhər və Xəzər sahilinə yollanıb. İfaçı gəzinti zamanı bol-bol şəkillər çəkdirib. Küləklər şəhərində çəkdirdiyi fotoları şəxsi İnstaqram səhifəsində yerləşdirən ifaçı xoş fikirlərini bölüşüb.
“Bakı...Sevdim Bakını. Dünyanın ən gözəl şəhərlərindən biridir. Bakı qonaqpərvərliyi isə elə bu anlayışın etolonudur. Bu səfər zamanı bizə dəstək olan hər kəsə təşəkkür edirəm. Siz olmasaydınız bu klipi çəkə bilməzdik və əminəm ki əla alınacaq".
Bundan əlavə olaraq müğənni bəstəkar-müğənni Emin Ağalarova təşəkkürünü bildirib.
Günel