Simsar.Az xəbər verir ki, Azərbaycanın xalq artisti Səməd Səmədov rəhbəri olduğu "Qismət" qrupunun solistləri Sevda Əliqızı və gənc müğənni Habil Məmmədovla birlikdə yeni mahnılar üzərində işləyirlər.
Bu barədə oxucularımızı S.Səmədovun prodüseri Rövşən Cəfərov məlumatlandırdı:
"İdeya irəli sürdüm ki, "Qismət" qrupu SSRİ-nin xalq artisti Zeynəb xanım Xanlarovanın repertuarında özünəməxsus yer tutmuş "Azərbaycan" mahnsını ifa etsinlər. Mahnı yeni oranjimanda hazırlandıqdan sonra ifa olundu.
Bir vacib xəbəri oxucularınıza bildirim ki, bundan sonra Səməd müəllim yalnız trio şəklində fəaliyyətini davam etdirəcək.
Səməd, Sevda və Habil triosu söz və musiqisi Samir Vidaya məxsus olab "Gözəlsən" mahnısını oxusunlar və mahnıya rejissor Nail Naiboğlu tərəfindən klip də çəkilib.
Bu yaxınlarda klipə təqdimat mərasimi də təşkil edəcəyik.
Yeniliklərimiz bununla yekunlaşmır.
"Qismət" qrupu Stas Mixaylovun repertuarından "Gizlətmə sevgini" mahnısını Azərbaycan dilində ifa ediblər. Və Stasın Bakıda baş tutacaq konsertində onlar bu mahnını səhnədə ifa edəcəklər".
Şahin Cavadsoy
Simsar.Az