Misirdə "Müsəlman Qardaşları" hərəkatının 683 üzvünə edam cəzasının verilməsinə ABŞ-dan sərt reaksiya gəlib
Simsar.az-ın məlumatına görə, ABŞ Dövlət Departamenti Misirdə terrorçu təşkilat elan edilən "Müsəlman Qardaşları"nın üzvlərinin kütləvi şəkildə mühakimə edilməsini və 683 nəfərə ölüm hökmünün verilməsini pisləyib.
Brifinq zamanı bu barədə danışan Dövlət Departamentinin mətbuat katibi Cen Psaki edam qərarlarını məntiqsiz adlandırıb və Misir hökumətinin bu cür addımlarını ölkədə radikallığa və qeyri-sabitliyə təkan verəcəyini bildirib.
"ABŞ Misirdə bunu görmək istəmir və Misir hökuməti də bu cür vəziyyətlərin öhdəsindən gələcəyini vəd edib. Misir hökumətini sözdə deyil, əməldə Misir xalqının tələb etdiyi insan haqları, azadlıqları və demokratik idarəetməyə dəstək verməyə çağırırıq", - deyə Cen Psaki deyib.