Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakının Səbail rayonunda mənzildə bağlı qapı arxasında 1921-ci il təvəllüdlü qadın köməksiz vəziyyətdə qalıb. Simsar.az-ın verdiyi məlumata görə,dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb edilib. Məlum olub ki, həmin şəxs giriş qapısının dəfələrlə döyülməsinə və telefon zənglərinə reaksiya vermir. Xilasedicilər dördmərtəbəli yaşayış binasının dördüncü mərtəbəsində yerləşən mənzilin qapısını xüsusi alət və avadanlıqlar vasitəsilə açıblar. Mənzilə baxış keçirilərkən qadın döşəmədə halsız vəziyyətdə aşkarlanıb və aidiyyəti üzrə təhvil verilib.