Rusiya vətəndaşı olan fransalı aktyor Jerar Depardye Rusiyada qəlyanaltılar şəbəkəsi açmağa hazırlaşır. O, qastronomik bazarın fəthinə qeydiyyatda olduğu Saranskdan deyil, Sankt-Peterburq və Moskvadan başlayacaq.
Depardye Fransada "La Fontaine Gaillon" Avropa mətbəxi restoranına sahibdir. Aktyorun Rusiyada açacağı məkanların formatı açıqlanmasa da, artıq layihə üzərində iş başlayıb.
Jerar Depardye məişətdə böyük qurman kimi məşhurdur. O, hətta xörək reseptlərindən ibarət "My cookbook" kitabının müəllifidir. Aktyor yaxşı mətbəxin və çaxırın bilicisidir.
Depardyenin ötən il Azərbaycan mətbəxinin reklam çarxında çəkilməsi böyük marağa səbəb olmuşdu.