Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Goranboy rayonunda Bakı-Gəncə yolunun 293-cü kilometrliyində “Kia” markalı minik avtomobili yol ayrıcındakı dirəyə çırpılaraq aşıb. Simsar.az-ın verdiyi məlumata görə, Fövqəladə Hallar Nazirliyinin xilasetmə qüvvələri hadisə yerinə cəlb edilib. Hadisə yerində əməliyyat şəraiti qiymətləndirilərkən məlum olub ki, “Kia” markalı minik avtomobilinin sürücüsü yaralanaraq deformasiyaya uğramış avtomobildə sıxılmış vəziyyətdə qalıb. Xilasedicilər xüsusi alət və avadanlıqlar vasitəsilə sürücünü avtomobildən çıxarıb və aidiyyəti üzrə təhvil veriblər. Əməliyyat saat 04:12-də başa çatıb.