Bu gün Milli Məclisin plenar iclasında millət vəkili həbs olunan gənclərin azadlığa buraxılması ilə bağlı səsləndirilən fikirlərə cavab verib. O bildirib ki, heç kəs siyasi baxışına görə həbs edilməyib. Heç ğlkədə siyasi məhkəmə də mövcud deyil. Həbs olunanlar kimlərsə tərəfindən öyrədilir və molotov kokteyləri ilə polisin üzərinə göndərilir. “Öz övladlarını qoruyub başqalarının övladının başını dolduranlar, onları qızışdırıb yol çəkməyə yox məhz polisin üzərinə və ixtişaş törətməyə göndərirlər. Bilirsiniz ki, Azərbaycanda siyasi məhkəmə yoxdur. Bu termin haradandır? Məhkəmənin hökmü qutarmamış indidən məhkəmənin çıxaracağı qərarın üzərinə kölgə salmaq olmaz. Hər bir məhkəmədən sonra başqa instansiya məhkəmələri var. Əgər bu məhkəmənin qərarından razı deyilsənsə digər yerlərdə araşdırıla bilər. Hətta Avropa Məhkəməsinə kimi gedib çıxa bilər. Faktiki olaraq siyasi məhbusdan, siyasi məhkəmədən söhbət gedə bilməz, konkret olaraq törədilən cinayət faktları ilə bağlı məhkəmədən söhbət gedə bilər”.
Millət vəkili həmçinin prosesin davam etdiyini və əfvin gözlənilən olduğunu bildirib. “Dəfələrlə Azərbaycan iqtidarı tərəfindən əfvin verildiyini görmüşük. Proseslər davam edir. Ona görə yox ki, kimsə hansısa siyasi partiyanın üzvüdür. Bunlar müəllim həkim də ola bilər. Ixtisasından, peşəsindən asılı olamyaraq qanun qarşısında hamı eyni məsuliyyəti daşıyır”.
Elmar Hüseynov