“Bir vaxtlar Hesablama Palatasını, onun mövqelərini saymırdılar. Heydər Əsədov istəyirdi ki,qurumun idarəetmə sistemində rolu artsın və o vacib bir qurum kimi formalaşsın və mühim bir təsisata çevrilsin.”Simsar.az-ın verdiyi məlumata görə, bunu Milli Məclisin bu günkü iclasında deputat Zahid Oruc deyib: “Şübhəsiz bu, parlamentin özünün də mövqeyinə təsir edən qanun idi. Çünki ölkədə sadə xalq dili ilə desək, maliyyə yoxlamalarını bu qurum aparır. Hesab edirəm ki, Hesablama Palatasının ştat tərkibinin, eyni zamnada səlahiyyətlərinin artırılmasına baxılmalıdır . Ayrı - ayrı qrumlarda aparılan audit yoxlamaları zamanı mənimsənilmiş vəsaitərin geri qaytarılması mexanizmi yoxdur. Həmin vəsaitlər sanki o qurumun üzərinə düşür. Bu da cəmiyyətdə müxtəlif söz -söhbətlərə yol açır. Sadə vətəndaşın ixtiyarı var ki, düşünsün ki, onun günahı olmayan pozuntunun cəzasını o niyə çəkməlidir. Bu məsələni istərdim ki, sonrakı dönəmlərdə nəzərə alsınlar”.
Elmar