Deputat Zahid Oruc Milli Məclisin bugünkü plenar iclasında çıxış edərək beynəlxalq qurumların, həmçinin hegemon dövlətlərin dünyada baş verənlərə ikili standartlardan yanaşmasından danışıb. Millət vəkili “Nə üçün Ermənistan bu günə kimi sanksiyalara məruz qalmayıb? Ona görə ki, Azərbaycanın əhəmiyyəti Ukraynadan aşağıdır? Ona görə ki, Xəzər dənizi resursları Qara dənizinki kimi əhəmiyyət kəsb etmir? Baxın, Barak Obama Ukrayna hadisələrinə görə artıq 8-ci dəfədir ki, Putinə zən edir. Avropa ölkələrinin rəhbərləri ilə danışıqlar aparır. Buna bir sözümüz yoxdur. Dünyanın güc mərkəzləridir. Bir dəfə görmüsünüz ki, Barak Obama Qarabağa görə Putinə zəng vursun? Niyə Barak Obama Qarabağa görə Putinə zəng etmir? Hətta bu o qədər adi hal alıb ki, tribunadan bunun səsləndirilməsi insanları da inandırmır” – deyib.
Elmar Hüseynov