İran KİV-lərinin Azərbaycanın sərhəd hissəsində 44 metrlik ərazinin həmin ölkəyə verilməsi barədə yaydığı xəbərlərə aydınlıq gətirilib. Simsar.az məlumat verir ki, Dövlət Torpaq və Xəritəçəkmə Komitəsinin sədri Qərib Məmmədov jurnalistlərə açıqlamasında yayılan xəbərlərin əsasız olduğunu deyib. Onun sözlərinə görə, hazırda Azərbaycanla (Ordubad) İran (Mazarad) arasında su elektrik sytansiyasının tikilməsi ilə bağlı məsələyə baxılır: “Mənim müavinim bu yaxınlarda İranda olub. Orada sərhədlərdən 44 metr alınması-verilməsi söhbəti yoxdur. Sadəcə iki ölkə arasında su elektrik stansiyasının tikilməsi üçün torpaq sahəsinin ayrılması və bunun üçün sərhəd məsələsinə baxılır. Bununla bağlı sərhədlərdə heç bir dəyişiklik olmayacaq. Ordubad və Mazarad arasında su elektrik stasiyası tikiləcək”.
Aysel Kərimova