Bu gün Azərbaycan Milli Elmlər Akademiyasının (AMEA) 2013-cü ildəki elmi və elmi-təşkilati fəaliyyətinə həsr olunan ümumi yığıncağı keçirilir.
Simsar.az-ın verdiyi məlumata görə, tədbirdən öncə AMEA rəhbərliyi, akademiyanın həqiqi və müxbir üzvləri Fəxri xiyabanda Heydər Əliyevin və Zərifə Əliyevanın məzarını ziyarət ediblər.
Sonra Prezident Administrasiyasının rəhbəri, akademik Ramiz Mehdiyevin də iştirakı ilə AMEA-nın əsas binasında elmi müəssisə və təşkilatların 2013-cü ildəki fəaliyyətini əks etdirən kitab, jurnal və digər nəşrlərin sərgisi ilə tanışlıq olub.
İllik yığıncaqda ötən il əldə olunmuş nailiyyətlərə dair hesabat dinləniləcək, qarşıda duran vəzifələr, problemlər və gələcək işlərə nəzər salınacaq.