Çilinin Valparasio şəhərindəki nəhəng yanğın 500 evi külə döndərib. 12 nəfər həlak olub, minlərlə insan təxliyyə edilib.
Böyüklüyünə görə Çilidə ikinci şəhər olan Valparasioda yanğın liman-şəhərin yaxınlığındakı dağların yamaclarında başlanıb.Simsar.az xarici mətbuata istinadən xəbər verir ki, güclü külək alovların sürətlə yayılmasına səbəb olub. Yanğında 12 nəfər həlak olub.
Çili prezidenti Mişel Baçelet şəhərdə fövqəladə vəziyyət elan edib.
La Segunda-nın məlumatına görə, DİN başçısı Rodriqo Penyalilyo yanğının söndürülməsinə hərbçilərin də cəlb olunduğunu söyləyib.
Ekspertlərin fikrincə, Valparasio şəhərinin tarixində ən güclü yanğın yaşanır. 2013-cü ilin aprelində Valparasiodakı yanğında 30 ev yanmışdı.
Bu gün Çilinin hakimiyyət dairələri yanğında zərər çəkmiş valparasioluların hər birinə 100-250 dollar məbləğində kompensasiyalar ödəməyə başlayıb.
Günel