Ötən gecə Sabirabad rayonunda yanğın hadisəsi qeydə alınıb. Simsar.az Fövqəladə Hallar Nazirliyinin (FHN) saytına istinadən xəbər verir ki, rayon mərkəzindən 8 km aralıda yerləşən Qaralar kəndində vətəndaşa məxsus ümumi sahəsi 2340 kv.m olan, hazırda fəaliyyət göstərməyən cücə sexinin içərisinə səpələnmiş saman 1340 kv.m sahədə və 100 kv.m sahədə tezalışan maddələrdən ibarət tavan yanıb. Cücə sexinin qalan hissəsi yanğından mühafizə olunub. Yanğın saat 01:31-də yanğınsöndürənlər tərəfindən söndürülüb.
Simsar.az