ABŞ-ın dövlət katibinin siyasi məsələlər üzrə müavini Uilyam Berns istefa verib. Simsar.az Reuters-ə istinadən xəbər verir ki, İranla dövlətin gizli danışıqlarına rəhbərlik edən Berns, 2014-cü ilin oktyabrında postunu tərk edəcək. Ölkə prezidenti Barak Obama və dövlət katibi Con Kerri Berns haqqında çox gözəl fikirlər bildiriblər. Onların sözlərinə görə Bernsin təvəzökarlığı, dəqiqliyi və məsləhətkeşliyi onu Dövlət departamentinin ən unikal işçilərindən biri edirdi.
Qeyd edək ki, Berns 1982-ci ildən bəri Dövlət departamentində çalışır. O, müxtəlif vəzifələrdə işləyib. Hilari Klinton seçimlərdə iştirak edən vaxt Berns bir günlük dövlət katibi olub. İngilis, rus və ərəb dillərində səlis danışır.
Mələk Abbaszadə