Azərbaycan Respublikası Gənclər və İdman Nazirliyinin nümayəndə heyətinin Yunanıstana səfəri çərçivəsində Üzeyir Hacıbəyli adına Bakı Musiqi Akademiyasının gənclər kamera orkestri Afina şəhərinin teatr kollecinin konsert salonunda xeyriyyə konserti ilə çıxış edib.
Gənclər və İdman Nazirliyinin mətbuat xidmətindən Simsar. az-a bildirilib ki, konsertdə Qara Qarayev, Niyazi, Fikrət Əmirov, Səid Rüstəmov, Tofiq Quliyev, Aqşin Əlizadə, Vasif Adıgözəlov, Fərhad Bədəlbəyli və digər görkəmli Azərbaycan bəstəkarları ilə yanaşı, dünya klassiklərinin də əsərləri tamaşaçılar tərəfindən maraqla qarşılanıb.
Konsertdə Yunanıstanın bir çox ziyalıları ilə yanaşı, UNESCO-nun xoşməramlı səfiri xanım Marianna Vardinoyannis də iştirak edib.
Konsertdən yığılan vəsait əlil uşaqların müalicəsinə xərclənəcək.
Günel