“Rusiya açıq şəkildə revonşizim siyasəti həyata keçirir. Cənubi Qafqazda isə bu işğal siyasətini maşaların köməyilə yürüdür. Gürcüstan ərazilərində Abxasiya və Cənubi Osetiyaya qarşı təcavüzləri, Ermənistan vastəsilə Qarabağı işğal etməsi danılmazdır. Sonda isə Rusiya Krımı da açıq şəkildə işğal etdi”. Bunu Simsar.az-a millət vəkili Fərəc Quliyev deyib.
Millət vəkili belə vəziyyətdə Rusiyanın NATO Parlament Assambleyasından təcrid olunmasını çox əhəmiyyətli bir hadisə hesab edir. “Sanksiyalar yerindədi. Rusiyanın NATO Parlament Assambleyasında təmsil olunması səhv idi . Artıq Avropa bunun fərqindədi. Nəhayət ki, NATO və başqa beynəlxalq təşkilatlar da Rusiyaya qarşı ciddi sanksiyalar həyata keçirdi. Mən bunu təqdir edirəm. Hesab edirəm ki, bu mövqe davam etməlidir”.
Qeyd edək ki, Rusiyanı 2014-cü ilin sonuna kimi AŞPA-da səsvermə hüququndan məhrum edən qətnamə qəbul edilib. Səsvermə prosesində Azərbaycanın nümayəndə heyətinin 11 üzvündən 6-sı iştirak edib.
Aynur Bayramova