2015-ci ildə Azərbaycan Milli Elmlər Akademiyanın yubileyində Akademiya haqqında “Azərbaycan elminin baş qərargahı tarix və müasirlik” haqqında filmin təqdimatı olacaq. Bunu Simsar.az-a açıqlamasında Azərbaycan Milli Elmlər Akademiyanın vitse-prezidenti İsa Həbibbəyli deyib. “Filmdə akademiyanın indiyə qədər keçdiyi inkişaf yolu, görkəmli yaradıcılarının fəaliyyəti, akademiyada aparılan sosial islahatlar əsasında tamamlanmış məsələlər əksini tapacaq.
“Akademiyanın yubileyi 2015-ci ilin mart ayında qeyd olunacaq. Filmin yekunlaşdırılması isə 2014-cü ilin sonu 2015-ci ilin əvvəllərinə planlaşdırılıb”.
İsa Həbibbəyli bildirib ki, hazırda 1945-ci ildə AMEA-nın təsis olunmasında xüsusi əməyi olan 15 təsisçi haqqında ayrıca 10 cədvəl həcmində kitab yazılır. Yubiley ərəfəsində akademiyanın elmi jurnallarında akademiya ilə bağlı yeni janrda məqalələrin çapı, çap sərgilərinin keçirilməsi üçün kompleks tədbirlərin aparılması üçün işlər görülür.”
Aysel Kərimova