Dekabrda dünyasını dəyişən, dünyada sülhün, barışığın simvolu sayılan məşhur siyasətçi Nelson Mandelanın mənəvi nəvəsi Zelda la Qranq babasından bəhs edən xatirə kitabı yazacağını bildirib. Simsar. az xarici mətbuata istinadən xəbər verir ki, Zelda la Qranqın “Pinqivin” nəşriyyatı tərəfindən yayımlanacaq kitabın artıq adı da bəlli olub. Kitabın adı “Sabahın xeyir Mister Mandela” olacaq. Qranqın “Özünün və nəhəng bir xalqın taleyini dəyişdirən adam” olaraq dəyərləndirdiyi mənəvi babasından bəhs edən kitab iyunda satışa çıxarılacaq. Kitabın redaktoru Helen Konford bildirib ki, bu kitab böyükdən kiçiyə hər kəsə təsir edəcək. Dəyişikliyin gücünü dərindən hiss edəcəksiniz.
Günel