Avstraliyanın Brisben şəhərində həkimlər çox qəribə bir halla rastlaşıblar. Adı açıqlanmayan avstraliyalı dəri xərçəngindən əziyyət çəkdiyi üçün həkimə müraciət edib. Simsar.az Daily Mail-ə istinadən xəbər verir ki, həkimin verdiyi mazdan istifadə etdikdən sonra 55 yaşlı kişinin başında 2.5 sm diametri olan dəlik açılıb. Yerli həkimlərdən aldığı qara maz onu sağaltmaq yerinə daha da pis vəziyyətə salıb. Ağır vəziyyətdə xəstəxanaya çatdırılan xəstəni görən həkimlər dəhşətə gəliblər. Daha sonra məlum olub ki, mazın tərkibində zəhərli alkoloid, sanqvinarin və xlorid sink olub. Həkimlər onun əməliyyata ehtiyacı olmadığını bildiriblər. Lakin ona bir çanta dolusu dərman yazıblar. O, müalicə almaq üçün evə buraxılıb.
Mələk Abbaszadə