Ana sosial şəbəkənin köməyi ilə uşağının həyatını xilas edib. Bu haqda "Business Insider" nəşri yazıb. Hadisə ABŞ-ın Yuta ştatında baş verib.
Facebookda oğlunun səhifəsinə baxan ana onun odlu silahla hədələndiyi şərhi görüb. Ananın sürətli reaksiyası nəticəsində cinayətkarlar cəzalandırılıb.
Ana kriminal məzmunlu şərhi aşkar etdikdən sonra bu barədə məktəb administrasiyasına, sonuncu da öz növbəsində polisə məlumat verib. Qanun keşikçiləri cinayətkarları şərhdə göstərilmiş yerdə tutublar. Onların yeniyetmə olduğu məlum olub.
Şübhəli şəxslərin maşınında tapança və marixuana aşkar edilib. Məlum olub ki, bundan əvvəl yeniyetmələr Instagram sosial şəbəkəsində silahları ilə lovğalanıblar.