Azərbaycan Milli Elmlər Akademiyasının (AMEA) Ə.M.Quliyev adına Aşqarlar Kimyası İnstitutunun Elmi Şurası bu müəssisədə çalışan gənc alim və mütəxəssisləri daha yüksək səviyyəli elmi tədqiqatlara cəlb etmək, eləcə də institutun adını daşıyan Azərbaycanın görkəmli kimyaçı alimi, akademik Əli Quliyevin xatirəsini əbədiləşdirmək məqsədilə “akademik Əli Quliyev adına mükafat” təsis edib.
“Qafqazinfo” xəbər verir ki, AMEA-nın mətbuat xidmətindən Simsar.az-a verilən xəbərə görə, qərara əsasən mükafata institutda çalışan və yüksək elmi nəticə göstərən gənc alimlər (yaşı 40-a qədər) layiq görüləcək. Bunun üçün institutun laboratoriya rəhbərləri elmi fəaliyyəti ilə seçilən əməkdaşlarının (3 nəfərdən çox olmamaqla) namizədliyini irəli sürə bilər.
Namizədlərin seçimi zamanı onların nüfuzlu xarici (impakt faktoru yüksək olan) jurnalda məqalənin dərci, beynəlxalq konfransda iştirak, elmi əsərlərə olan istinadlar kimi əsas meyarlara üstünlük veriləcək. Aşqarlar Kimyası İnstitutunun Mükafat üzrə Ekspert Komissiyası namizədlər içərisindən 1 nəfəri institut Elmi Şurasının müzakirəsinə təklif edəcək. Seçilmiş namizədə diplom və pul mükafatı akademik Əli Quliyevin doğum günü ərəfəsində (may ayının sonu) təqdim olunacaq.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
