Simsar.az xəbər verir ki, bir müddət əvvəl klub qəzeti məhkəməyə vermişdi. Xatırladaq ki, klub prezidenti Sadıq Sadıqov, vitse-prezident Tahir Süleymanov, mətbuat xidmətinin rəhbəri Gündüz Abbaszadə şərəf və ləyaqətlərinin təhqir olunduğunu əsas gətirərək mülki iddia ərizəsi ilə Nəsimi Rayon Məhkəməsinə müraciət etmişdilər. İddiaçılar qəzetdən 100 min manat tələb edirdilər. Nəsimi Rayon Məhkəməsinin hakimi Şahin Abdullayev “Neftçi” rəhbərliyinin iddiasını qismən təmin edərək qəzeti 5 min manat cərimə etmişdi. Qərardan narazı qalan “Sport Favorit” Bakı Apelyasiya Məhkəməsinin Mülki Kollegiyasına apelyasiya şikayəti verib. Maraqlıdır ki, “Neftçi” rəhbərliyi də Nəsimi Rayon Məhkəməsinin qərarından narazılıq edərək apelyasiya şikayəti verib. Artıq ilk məhkəmə prosesi keçirilib. “Neftçi”nin vəkili Eldar İsmayılov qəzetin 100 min manat cərimə ödəməsini tələb edib. Vəkil onu da bildirib ki, “Neftçi” rəhbərliyi “Sport Favorit”in baş redaktoru İlkin Vaqifoğlunun həbs olunmasına salışacaq. Vəkil bildirib ki, yaxın günlərdə klub rəhbərliyi baş redaktorla bağlı xüsusi ittiham qaydasında məhkəməyə müraciət edəcək.