“Akademiyanın yeni prezidenti tərəfindən Akademiyanın fəaliyyəti ilə bağlı genişmiqyaslı islahatlar aparılır. Bu günə qədər keçirilmiş elmi sessiya iclaslarında kadr məsələlərinə baxılıb və təxminən akademiyanın 23 elmi-tədqiqat müəssisəsinə yeni direktor təyin edilib”. Bunu Simsar.az-a açıqlamasında AMEA-nın vitse-prezidenti, akademik İsa Həbibbəyli deyib.
Akademik bildirib ki, yeni təyin olunan direktorlar öz sahələri üzrə Azərbaycanın tanınmış alimləri, uzunillik elmi təcrübələri olan şəxslərdir. “Təyin olunan direktorların bir çoxları uzunmüddət həmin vəzifədə çalışan, bu vəzifəni icra etmək qabiliyyətində olan adamlardır. Kadr dəyişikliyinin olması təbii prosesdir. İşdən çıxanlar əsasən öz istəyi və səhhətləri ilə əlaqədar işdən çıxanlardır. İşdən azad olunanlar arasında bu işi müasir tələblər səviyyəsində qura bilməyənlər də var. Onlar müasir texnologiya və tələblərlə ayaqlaşa bilməyənlərdir. Bu dəyişikliklər islahatların elmin inkişaf etdirilməsi üçün atılan addımlardır. Düşünürəm ki, bu cür ixtisarlar bundan sonra da ola bilər”.
Vitse-prezident Mərkəzi Nəbatat Bağının rəhbərliyində dəyişiklik edilməsinə də münasibət bildirib. “Direktor dəyişikliyində məqsəd mühafizə sisteminin möhkəmləndirilməsi, botanika bağının inkişaf etdirilməsidir. Akademiyanın rəhbərliyi idarəetməni düşünülmüş formada davam etdirmək üçün bundan sonra da addımlar atacaq. Onu da qeyd edim ki, hər iki sahə arasında yaxınlıq olduğundan iki vəzifənin eyni şəxsə tapşırılması məqsədəuyğun görülüb”.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
