“Mətbuatda bu il həcc ziyarətinə gedəcək zəvvarlar üçün QMİ tərəfindən kvotanın müəyyənləşdirilməsi ilə bağlı xəbər yayılıb. Əslində, hazırkı vəziyyət üçün dəqiq say müəyyən edilməyib və yayılan informasiya yanlışdır”. Bunu Simsar.az-a açıqlamasında Qafqaz Müsəlmanları İdarəsinin mətbuat xidmətinin rəhbəri Rəhimə Dadaşova bildirib.
O, qeyd edib ki, müracitələr davam etməkdədir və yaxın günlərdə kvota ilə bağlı açıqlama KİV-ə təqdim olunacaq.
Xatırladaq ki, Azərbaycanda fevralın 13-dən etibarən bu il Həcc ziyarətinə getmək istəyən zəvvarlardan sənəd qəbulu başlayıb.
Vüsal Məmmədzadə