“Polis heç vaxt mənim gücüm çatmır deməz”
Dünən Binəqədi rayonunda Nəqliyyat Departamentinin əməkdaşları tərəfindən Nazim Qəhrəmanov adlı şəxs təzyiqə məruz qalıb. Həmin şəxslər sürücüdən sənədlərini tələb edərək onun taksi sürücüsü olub olmadığını soruşublar. Sənədləri sürücüyə qaytarmadıqlarından sürücü ilə şəxslər arasında mübahisə yaranıb. Hadisəni telefonunun kamerası ilə çəkən aktyor İlqar Cahangirin isə telefonu əlindən alınaraq kartı çıxarılıb. İlqar Cahangir bu barədə danışarkən bildirib ki, hadisədən dərhal sonra Post Patrul Xidmətinə müraciət etsələr də müraciətləri nəticəsiz qalıb. Belə ki, xidmətin əməkdaşları aktyora həmin şəxslərlə “bacarmadıqlarını” deyiblər.
Vətəndaşa qarşı edilən zorakılığa aydınlıq gətirilməsi üçün Daxili İşlər Naziriliyinin mətbuat xidmətinin rəis müavini Ehsan Zahidovla əlaqə saxladıq. Lakin E. Zahidov əvvəlcə, bu məsələ ilə bağlı nə üçün onunla danışdığımızı soruşdu: “Hadisə ilə bağlı mənə niyə zəng vurmusuz? Bu işlə Daxili İşlər Nazirliyi məşğul olmur”. Ancaq hadisə zamanı vətəndaşın hüquqlarının və təhlükəsizliyinin pozulduğunu dedikdən sonra nazirliyin sözçüsü, “kimin başına nə iş gəlibsə həmin ərazidə bizim polis orqanları, hüquq mühafizə orqanları var. Buyursun, rəsmi qaydada müraciət etsin, məsələ araşdırılsın”. İlkin müraciət zamanı patrul xidmətinin aktyora dediyi fikirlərə isə Ehsan Zahidov, “Hansı polis o sözü deyib? Dəqiq fakt göstərin. Heç vaxt ola bilməz ki, vətəndaş polisə müraciət etsin, polis isə “mənim gücüm çatmır”,-desin. Belə şey ola bilməz”,- deyə münasibət bildirib.
Daha sonra Simsar.az Binəqədi rayon polis idarəsinin rəisi Zaur Orucov ilə əlaqə saxlasa da o həmin məsələ ilə məşğul olmadığını bildirib.
Qeyd edək ki, Avtomobil Nəqliyyat Departamentindən isə vətəndaşın probleminin qanun çərçivəsində həll ediləcəyi deyilib.
Ülviyyə Cövdətqızı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
