Xarkov administrasiya binasının qarşısına toplaşanlar dağıdılıb. Simsar.az RİA Novosti-yə istinadən xəbər verir ki, hazırda adminisitrasiya binasının önünə Xarkov beynəlxalq marafonunun keçirilməsi üçün nəzərdə tutulmuş metal konstruksiyalar qoyulur. Yol hərəkəti bərpa edilib. Binanın ətrafında insanların yığılması müşahidə olunmur. Aprelin 12-də keçiriləcək marafona hazırlıqlar artıq dünəndən başlayıb. Xarkov beynəlxalq marafonunun keçirilməsi haqqında qərar hələ 2013-cü ildə qəbul olunmuşdu. Qaçışda iştirak etmək üçün 10 minə yaxın insan ərizə verib. Marafonun starti və finişi şəhərin mərkəzində, Azadlıq meydanında olacaq.
Mələk Abbaszadə