AMEA Aşqarlar Kimyası İnstitutunun Elmi Şurası İnstitutda çalışan gənc alim və mütəxəssisləri daha yüksək səviyyəli elmi tədqiqatlar aparmağa təşviq etmək, eləcə də İnstitutun adını daşıyan Azərbaycanın görkəmli kimyaçı alimi akademik Əli Quliyevin xatirəsini əbədiləşdirmək məqsədilə “akademik Əli Quliyev adına mükafat” təsis edib.
Qərara görə, bu mükafata İnstitutda çalışan və yüksək elmi nəticə göstərən gənc alimlər (yaşı 40-a qədər) layiq görüləcək. Bunun üçün İnstitutun laboratoriya rəhbərləri elmi fəaliyyəti ilə seçilən əməkdaşlarının (3 nəfərdən çox olmamaqla) namizədliyini irəli sürə bilər.
Namizədlərin seçimi zamanı onların nüfuzlu xarici (impakt faktoru yüksək olan) jurnalda məqaləsinin dərc olunması, xarici ölkələrin birində beynəlxalq konfransda məruzə etməsi, əhəmiyyətli patent alması, elmi əsərlərinə olan istinadlar kimi əsas meyarlara üstünlük veriləcək.
Aşqarlar Kimyası İnstitutunun Mükafat üzrə Ekspert Komisiyası bütün namizədlər içərisindən 1 nəfəri İnstitut Elmi Şurasının müzakirəsinə təklif edəcək. Şura üzvləri təklif olunan namizədi müzakirə edib haqqında qərar verəcək.
Seçilmiş namizədə diplom və pul mükafatı akademik Əli Quliyevin doğum günü ərəfəsində (may ayının sonu) təqdim olunacaq.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
