Bakının Qaradağ rayonunda dəhşətli hadisə qeydə alınıb. Qaradağ rayon prokurorunun köməkçisi Araz Qasımovun mətbuata verdiyi məlumata görə, Qobustan qəsəbəsində yaşayış evinin həyətindəki tövlədə asılmış qadın meyidi tapılıb. Dərhal hadisə yerinə hüquq-mühafizə orqanları cəlb olunub.
Araşdırmalar zamanı meyidin 1973-cü il təvəllüdlü Sevinc Ağaəddin qızı İsmayılova olması və qadının intihar etdiyi məlum olub.
Qadının özünü baş örtüyü ilə asdığı bildirilir. Onun meyidini övladları tapıblar.
Qeyd edək ki, S.İsmayılova 4 övlad anasıdır. Hazırda qadının nə səbəbdən intihar etdiyi araşdırılır.
Faktla bağlı cinayət işi başlanıb, araşdırma aparılır.