Kiyevdə aprelin 9-10-a keçən gecə Ukraynanın Kommunist Partiyasının (Kompartiya) binasında yanğın baş verib. Simsar.az İTAR-TASS-a istinadən xəbər verir ki, hsadisə yerində istintaq-əməliyyat qrupu araşdırma aparır. Yanğınsöndürənlərdən biri bildirib ki, bina eyni vaxtda 3 yerdən yanıb. İlkin məlumata görə yanğın naməlum şəxslər tərəfindən törədilib. Birinci və ikinci mərtəbələrdə 100 kv.m ərazi, üçüncü mərtəbədə isə kiçik ərazi yanıb.
Qeyd edək ki, Kompartiya binası 2014-cü ilin fevralından bəri naməlum fəallar tərəfindən tutulub. Binanın araşdırılması zamanı texnikanın məhv edildiyi ,seyflərin qırıldığı və hər yerə benzinin töküldüyü məlum olub. Binada bir neçə benzin qabı aşkarlanıb.
Mələk Abbaszadə