Hacıqabul rayonuna sürücünün ölümü ilə nəticəlıənən ağır yol nəqliyyat hadisəsi baş verib. Hadisə bu gecə rayonun Altıbulaq kəndində baş verib.
Simsar.az xəbər verir ki, 34 yaşlı sürücü Həsənov Araz Əli oğlu idarəetməni itirərək “VAZ” markalı avtomobilini yolun kənarındakı dəmir səddlərə çırpıb. Sürücü hadisə yerindəcə dünyasını dəyişib.
Hadisə yerinə dərhal Fövqəladə Hallar Nazirliyinin müvafiq xilasetmə qüvvələri cəlb olunub. Yanğınsöndürən-xilasedicilər sürücü Həsənov Araz Əli oğlunun sıxılmış vəziyyətdə qalmış meyitini təhlükəsizlik qaydalarına riayət etməklə xüsusi alət və avadanlıqlar vasitəsilə avtomobildən çıxarmış və aidiyyəti üzrə təhvil veriblər.
Əməliyyat saat 00:48-də başa çatıb.