2014/2015-ci tədris ili üçün ali təhsil müəssisələrinin magistratura səviyyəsinə qəbul imtahanının birinci mərhələsində 50 və daha çox bal toplayan, imtahanın ikinci mərhələsinə buraxılan bütün bakalavrlar ixtisaslarından asılı olmayaraq, “Jurnalistika” ixtisası üzrə müsabiqədə iştirak edə bilərlər. TQDK-nın mətbuat xidmətindən Simsar.az-a verilən məlumata görə, qeydiyyatdan keçən bakalavrlar “Bakalavrın qabiliyyət imtahanına buraxılış vərəqəsi”ni çap edərək qabiliyyət imtahanında iştirak etməlidirlər.
Qabiliyyət imtahanından uğurla keçən bakalavrlar imtahanın ikinci mərhələsində 44 saylı jurnalistika proqramı üzrə imtahan verərək inşa (esse) yazırlar. Bu mərhələ üzrə və ümumi müsabiqə şərtini ödəyən bakalavrlar ixtisaslaşma seçimi zamanı jurnalistika üzrə ixtisaslaşmaları seçə bilərlər.
Aysel Kərimova