Avropa Birliyinin Rusiyaya qarşı irəli sürdüyü sanksiyalarda siyahıya 107 nəfərin adı düşüb. Simsar.az rus mətbuatına istinadən xəbər verir ki, sənəd 5 vərəqdən ibarətdir və həmin şəxslərə qarşı Avropa Birliyinə giriş qadağan oluna, hesabları isə dondurula bilər. Siyahıya düşənlər isə Rusiya Federasyasının siyasi rəhbərliyidir. Lakin siyahıya bir neçə ukraynalı məmurların ( Krım məmurlarının) da adı düşüb. Ümumilikdə siyahıda 130-a yaxın insanın adı var. Qeyd edək ki, siyahı “Kommersant” tərəfindən təqdim olunub. Siyahı üzvləri qanunvericilik orqanlarının nümayəndələri, icra hakimiyyətinin rəhbərliyi, güc strukturlarının nümayəndələri, iş adamları, media təşkilatları və jurnalistlərdir. Lakin bu siyahıdan olanların yalnız bir hissəsi cəzalandırılacaq. Verilən xəbərə görə, sanksiyalar Rusiya Ukraynanın şərqi sərhədlərinə ordu yeritdiyi halda tətbiq olunacaq.
Mələk Abbaszadə