Prezident İlham Əliyevin Tehranda rəsmi qarşılanma mərasimi olub
Simsar.az xəbər verir ki, İranda rəsmi səfərdə olan prezident İlham Əliyevin Tehranda rəsmi qarşılanma mərasimi olub.
Azərbaycanın və İranın dövlət bayraqlarının dalğalandığı Prezident sarayının qarşısındakı meydanda dövlətimizin başçısının şərəfinə fəxri qarovul dəstəsi düzülüb.
İran prezidenti Həsən Ruhani prezident İlham Əliyevi qarşılayıb.
Azərbaycanın və İranın dövlət himnləri səslənıb.
Fəxri qarovul dəstəsinin rəisi Azərbaycan prezidentinə raport verdi.
Dövlət başçıları fəxri qarovul dəstəsinin önündən keçiblər.
Prezidentlər birgə foto çəkdiriblər.