Türkiyənin ən məşhur “Həkimlər” (“Doktorlar”) serialının qəhrəmanlarından birini canlandıran Yağmur Atacana qarşı sui-qəsd törədilib. Simsar.az hurriyet.com.tr-yə istinadən xəbər verir ki, axşam saatlarında işdən çıxan Atacan avtomobilinə minmək istəyən zaman naməlum istiqamətdən ona atəş açılıb. Xoşbəxtlikdən güllə avtomobilə dəyib. Hadisədən dərhal sonra Atacan polisə müraciət edib. 4-5 saat çəkən sorğu - sualdan sonra Atacanın həyat yoldaşı, məşhur aktrisa Pınar Altuğ öz avtomobili ilə polis idarəsinə gəlib.Daha sonra cütlük Altuğun avtomobilində evlərinə qayıdıbar. Hadisə ilə bağlı jurnalistlərə heç bir cavab vermək istəməyən Atacan deyib : “Deməli bir şey yoxdur. Olan budu”. Atacanın avtomobilinin ön və arxa şüşələri qırılıb.
Qeyd edək ki, 2014-cü il yanvarın 7-də Atacan Alper Önal adlı şəxs tərəfindən döyülmüşdü.
Mələk Abbaszadə